أهلاً وسهلاً بكم في الموقع الخاص بمهرجان أبو كاطع للإبداع الواسطي | إعلان نتائج استفتاء اختيار الأفضل في واسط 2010 

الرئيسية | كلمة المهرجان | تفاصيل المهرجان | مقاطع الفديو | ألبوم الصور | قصيدة المهرجان | الرعاة الرسميين | فعالية معرض الصور | صحافة وإعلام


 

قصيدة ( موقع الكوت نت )

الشاعر الكبير : حسين البهادلي
 

       

   ذكــــــرت ألــيّ ابـــد ماگــدرو ايذكــــروه          و الـمـــــــاگـــــدرو أيســــــوونــه سويتــه

و اختاريت الأفـــضل هاي ألك چــم عـــام          و الجـــازه المـــدينه اليـــوم جـــــازيـتــه

مــن ( بابا عــماد ) المسـرحي المعــروف          وصــــــولاً لأبـــو گــاطــع و الربـاعـيتــه

عفـــيه أربــــات واســط مـنـتـداكــــم زود          هـــذا الــكــــــــوت هــذا و هــاي تربيـتــه

ما فــــــرقـــت بين العـــامــل و دكـتـــــور          و بيت الطــين وي القـــصــر ســـاويــتــه

و احنه ابـــوكـت لازم شـي مقـابــل شـي            و الاســســك شــوف اشـــســــوه تاليتــه

من حيـــدر .. البـاســــم دون استثــنـــاء            واحــدهـم تعـــب .. تعــب الحـمـــل بيتــه

و رغم كل التعـــب من جيـبـهم يـنـطـون            حـتـــى الفــن ابــد مـا يـــنخـــذل صيــتــه

             اسمـــك كحله صار أبعــين الانتـرنــيـــت           و الانتـــرنـيــت صــــدّگ أنــــــت حـليـتــه

المديـنه التـقـتـل أبكـل مبـدعيهه .. اليوم            كلمـن گــــالــهه .. اهــنانه .. أنت رديتــه

ورغم كل الضروف استـذكـرت شمـران            أبـــو گـــاطـــــع الچـانـت ناسـه ناسيـتــه

الإعلامـي .. الكاتـب .. المـعارض چـان            الـــــرعب ساســه كــبار أبلـغــة شعبيتــه

الفتح مــدرسة ثــوره ابكل سجن موجود            العلى كلمــن مثقـف فـرض شخــصــيتــه

هـذا اليستــــحـق تمثـــال وسط الكــوت            ابوكتهــه الــدولــه هــزاهـه أبعـراقيــتــه

مــو قصة شعــر تسمـعـنـي مـن احـجيه           أتـــمــنــى تـفــســـر كـلـمــن احـجــيــتــه

بس صدگــني هـذا الشاعــر امنيصــول           رغــــم شايــــل ورد بــس سـيفـه قافيتــه

قسم ما جــاملــت والشاهــد الله ابـهــــاي           بــس ديـــن ابــــرگبـتي و كــون وفـيـتــه

كـــل فــنــان كــــوتــاوي ألـك مــديــــون           و حــتـى اليـشـتـغــل عـمـــالـه منـسـيـتــه

لان بس أنت قيمتــّه أبصدق و إحســاس            و حـــقــــه اليستـــحقـــه و زايــد انطيتــه

واضح واخــتيارك صـافـي هـاي أسنيـن            لان بــالاستـــــمــاره المـــــاي صفــيـتــه

و بعيداً عالسيــاسه و حـزب هـذا و ذاك            علـــــم واسط بديــك البــيــضــه رفيــتــه

على حـاسبـتـي صـدّگ تعـرف اشخـليت            بــس مــوقــع الكـــوت الباقــي چــزيتــه

 

 

شكر وتقدير كبير للشاعر الشعبي الكبير حسين البهادلي على تقديمه هذه القصيدة الرائعة ونتمنى له الموفقية والنجاح

 

الصفحة الرئيسية للكوت نت | شبكة أخبار واسط | منتديات الكوت نت | حفل 2008 | حفل 2009 | الاتصال بنا